ঠেহ-পেচ, মান-অভিমান, বাদ-বিবাদ আদিৰ কথাৰে

• চিঠি গোটৰ বন্ধুসকল ~

  
  

  সকলোলৈকে চিঠিৰ মাধ্যমেৰে মোৰ ফালৰ পৰা প্ৰীতি শুভেচ্ছা জনালোঁ৷

  চিঠি গোটত বৰ্তমান সদস্য হ'ল ৩৪১জন৷ এবছৰ আগতে বন্ধুবৰ মনোহৰ দত্তই মোক এই গোটত অন্তৰ্ভূক্ত কৰিছিল৷ তেতিয়াৰ পৰা এই গোটত মই জড়িত হৈ আছোঁ৷ চিঠিৰ মাধ্যমেৰে মোৰ সুখ-দুখ আৰু অভিজ্ঞতাৰ কথা জনাই আহিছোঁ আৰু সময়ত ডাক্তৰী পৰামৰ্শও আগবঢ়াইছোঁ৷

  
  

  আজি ভিন্ন বিষয় এটাত মোৰ মতামত জনাবলৈ এই চিঠিখন লিখিলোঁ৷ইন্টাৰনেট আৰু ফেচবুকৰ মাধ্যমেৰে আমি বহুতৰ লগত বন্ধুত্ব গঢ়ি তোলোঁ৷ইয়াৰে কোনোজনৰ লগত আমাৰ শাৰীৰিকভাবে দেখা-সাক্ষাৎত হয়৷কোনোজনক ভিডিঅ' কলৰ মাধ্যেমেৰে দেখা পাওঁ৷কাৰোবাৰ ফটো ফেচবুকৰ প্ৰফাইলত দেখা পাওঁ৷কাৰোবাৰ আক' ফটোখনো দেখা নাপাওঁ৷ সি যি নহওঁক - নেটৰ বাহিৰৰ বন্ধুৰ ক্ষেত্ৰত হোৱাৰ দৰে এই নেট বন্ধুসকলৰো মাজত ঠেহ-পেচ, মান-অভিমান, বাদ-বিবাদ আদিৰ উৎপত্তি হয়৷

  
  

  বন্ধুসকল, আমি পাহৰি যাব নালাগে - ধানটোৱে প্ৰতি কণটো, মানুহটোৱে প্ৰতি মনটো৷ প্ৰত্যেকজন মানুহেই  নিজৰ মনোজগতত স্বতন্ত্ৰভাবে বিচৰণ কৰে৷ সকলোৰে ৰুচিবোধ আৰু চিন্তাধাৰা বেলেগ বেলেগ৷ একোটা বিষয়তে প্ৰত্যেকৰে দৃষ্টিভংগী পৃথক হোৱাটো তেনেই স্বাভাবিক৷ আমাৰ শিক্ষা-দীক্ষা,অভিজ্ঞতা,পাৰিপাৰ্শ্বিকতা সকলোৰে প্ৰভাৱ আমাৰ আচৰণত পৰে৷ কোনেও কাকো তাৰ বাবে তেতিয়ালৈকে বেয়া পাব নালাগে, যেতিয়ালৈকে সি শালিনতাৰ সীমা চেৰাই নাযায় বা সেয়া অসামাজিক মন্তব্য হৈ নপৰে৷

  
  

  মানৱ জীৱন খন্তেকীয়া৷ আকৌ সময়বোৰো পাখি লগা কাঁড়ৰ দৰে তীব্ৰবেগেৰে গৈ থাকে ৷ তেনেস্থলত আমিনো কিয় আমাৰ মাজত সৰুসুৰা কথাত কাজিয়া কৰি মনবোৰ বেয়া কৰোঁ ? এজন ব্যক্তি আস্তিকেই হওঁক বা নাস্তিকেই হওঁক ভাৰতীয় দৰ্শনৰ মতে মনুষ্য জীৱন হ'ল - সত্যম-শিৱম-সুন্দৰমৰ সমষ্টি৷

  
  

  আহক আমি আমাৰ মাজৰ মতৰ অমিল হোৱাৰ বাবে সৃষ্টি হোৱা দূৰত্বক আতৰাই পেলাওঁ৷ পৰস্পৰে পৰস্পৰৰ চিন্তা - ভাৱনাক আদৰ কৰিবলৈ শিকোঁ৷ মোৰ আচৰণে যেন মোৰ বন্ধুক ব্যথিত নকৰে - এই চিন্তা সকলোৱে কৰিবলৈ শিকোঁ যেন৷

  
  

  শেষত মোৰ মোৰ কবিতাৰ পংক্তিৰে এই  চিঠিখন সামৰিব খুজিছোঁ :

  
  

  নেদেখা সোণালী সূতাৰে বন্ধা মোৰ সত্তা !

  মকৰাৰ সূতাৰে বন্ধা

  এই ধৰাৰ ভিন্ন জনৰ আলফুল হাতৰ ৷

  নেদেখা, আজিলৈ এদিনো লগ নোপোৱা

  বহুবোৰ অচিনাকী মুখ হ’ল মোৰ অতিকৈ আপোন, বহু ওচৰৰ৷

  
  

  হয়তোবা কোনোবাই কৰিছে অভিমান

  কোনোবাই ভাবিছে অভিনেতাহে মই৷

  তথাপিও অচিনা জীৱন পথত এনেকৈয়ো পাইছোঁ সহযাত্ৰী অনেক৷

  
  

  কবি মই নাছিলোঁ কাহানিও

  অভিজ্ঞতাই, বিচ্ছিন্নতাই মোক শিকালে কি ব’ৰ্ডত আঙুলি বুলাবলৈ৷

  মোৰ ভাল লগা আজি এখন সমাজ ময়ে ৰচা,

  নেদেখা সোণালী সূতাৰে বন্ধা, সোণালী সূতাৰে বন্ধা এখনি সমাজ !

  সোণালী সূতাৰে বন্ধা এখনি সমাজ !

  
  

    ইতি

  ডা০ ভূপেন  শইকীয়া

  ১৬-৯-২০১২ 

  ড'হা, কাটাৰ
• Like ·  · September 16 at 7:39pm

  • Mousumee Bori, Anjana Tamuli and 2 others like this.
  • 

    Mousumee Bori বন্ধুসকল, আমি পাহৰি যাব নালাগে - ধানটোৱে প্ৰতি কণটো, মানুহটোৱে প্ৰতি মনটো৷ প্ৰত্যেকজন মানুহেই নিজৰ মনোজগতত স্বতন্ত্ৰভাবে বিচৰণ কৰে৷ সকলোৰে ৰুচিবোধ আৰু চিন্তাধাৰা বেলেগ বেলেগ৷ একোট...See More

    September 17 at 10:38am · Like · 1
  • 

    Manohar Dutta মানৱ জীৱন খন্তেকীয়া৷ আকৌ সময়বোৰো পাখি লগা কাঁড়ৰ দৰে তীব্ৰবেগেৰে গৈ থাকে ৷ তেনেস্থলত আমিনো কিয় আমাৰ মাজত সৰুসুৰা কথাত কাজিয়া কৰি মনবোৰ বেয়া কৰোঁ ? এজন ব্যক্তি আস্তিকেই হওঁক বা নাস্ত...See More

    September 17 at 2:11pm · Like · 1
  •