জন্মদাতা পিতৃ-মাতৃৰ ধাৰ

যিটো পিতৃ মাতৃ         জনিলেক দেহ
           পুষিলেক  অনুদিন
শতেক বৎসৰে          যিটো পুত্ৰ তাৰ    
            সুজিব নাপাৰে ঋণ ৷৷
                                           (দশম০পদ০২১২৬)

    ( আমাৰ ধৰ্মপুথিত এইদৰে উল্লেখ যে জন্মদাতা  পিতৃ-মাতৃৰ ধাৰ শত বছৰ সেৱা কৰিও সুজিব নোৱাৰি৷)

অপ্ৰিয় হলেও এইটো নিৰ্ঘাট  সত্য যে সকলো মানুহৰ থকাৰ দৰে লোভ,মোহ পক্ষপাতিত্বমূলক আচৰণ আদি আমাৰ পিতৃ-মাতৃৰো থাকে | তথাপিও আমি জন্মদাতাসকলক অশ্ৰদ্ধা কৰিব নোৱাৰো ৷ তেওঁবিলাকৰ ভুল ত্ৰুতিৰ বাবে আমি কেতিয়াবা মনত বেজাৰো পাওঁ৷ অথচ আমি নিজে কেতিয়াও অকৃতজ্ঞ আৰু অবিবেচক হৈ তেওঁলোকক প্ৰাপ্য সন্মানখিনিৰ পৰা বঞ্চিত কৰাটো সমীচিন নহয় বুলি মই ভাবো৷ তেওঁলোকে  লৰালিত আমাক কেবল যতন লোৱাই নহয় সদায় সৎপথত চলিবলৈকে কৈছিল৷